الرغاي
نغمة مهمومة مثل صيف خارف تتمارى
الخَلْفْ . . . يَا َويْحِي ضَاعْ وَالرَّغـَايَة رْغـَاتْ
البير مسموم يا لگران لا تشربو
وغدا القمر يطلع ف وضح النهار
انْتُمَا الغـَايْبْ وحجته معاه
انتما الخيل وتعرف ركابها
انتما الدنيا إلى عواجت. . .
تْجِي بْ زُوجْ رْجْلِينْ عْرْجِينْ وُسَايْگـْهَا جْرْبُوعْ
واللي گال ذا العصيدة باردة . . . يدير يده فيها
* * * *
آه واواو خليني نبكي ونـــــــــوح آهْ وَاوَاوْ خليني مُشْكِيلِي مْطرُوحُ
وَالعَمَّالَـــة رَاهْ السّْوَايـْــع ْبْدّ الَــــة والعمالة راه الشهـــــادة جوالــــة
كيــة اللــي مــا بــاح ب ضــــــره
وَايَا الرِّيَاسْ زَادْ حَالِي فْ اللِّيـــلْ وغــــــــاب لـــــــــي الكــــــاس
وا يا لجروح حالي شمعة ف الليل نــــــــــوارهــــــــا تــــنـــــــوح
مَـــــــدَى مَلـْـــزُومْ بْ لْـعْـطـُـــوبْ ودوايـــــا عــــــاد لـــي الهمـــوم
شلى حزان الخاوة توشمات بلغدر
اللـــي مــا سالــو عـْـلَ البَــرَّانـِـي ف الغـــربـــة مشـــات إيــــامــــه
شلى حزان الخاوة تْوْشْمَاتْ بْ لْغْدْرْ
وا يــا العبــاد كيــة اللــي مـا جال وعـــــــــاش البــــــلا و ســــــاد
و يا العوام مال يومي ما صفـــات سوايـــــــع ديمـــــــا ظــــــــلام
طغاو علية الناس ب لعجــــــــوب وسمــــايــــا عامـــــرة غــيــــوم
شلى حزان الخاوة توشمات ب لغدر
وايـــا لَهْـــوَالْ وحــــدي والـلـيــل وأمـــــواج العــافـيــة تــمـيــــل
أكْثـْــــــرْ الظلـــــــم وُلـْـقـْـتـِـيــــلْ مـــا بقــــى لامــــان والسْـــلاَفْ
شلى حزان الخاوة توشمات ب لغدر
* * * *
واتـعــالــي يــاوا نـعـــيــد لــيــــك تعالـي آهيـاوا وآجـي عــزينـــي
ما شكانـي حالـي أنـا ولا سـلـــــم غير سلاگ الهُولْ عْرَّاتْ نْيَابْهـَـا
ما يهمني من فتح شْداَقُهْ وْتْكْلـّــم مسيرتي سلام ف كياني مرواها
غير عدروني إلى أنا بديت نتألــم وعذابي گاد ما گاد أنا بشگــــاه
مـا جفاشـي بالـي منـي ولا عـَلـَّمْ في جناني اشجار حر الوجد فناها
